最近最震驚吃貨的新聞莫過於內地有媒體抽檢深圳的珍珠奶茶，發現珍珠奶茶含有咖啡因，而且其中含量最高的樣本來自品牌米芝蓮的經典絲襪奶茶，每公斤的咖啡因含量高達522毫克，相當於7罐紅牛的咖啡因！搞到各位珍珠奶茶控如小編非常擔心，唔知之後飲唔飲好。
有不願具名的營養師同小編講，個調查「唔識嚇一跳，識嘅得啖笑。」
「茶就當然會有咖啡因啦！冇咖啡因的話，飲茶又點會有提神作用呢﹖不過相比起咖啡，茶的咖啡因已經少好多，一杯普通咖啡的咖啡因大概是200毫克，而一杯港式奶茶大概是170毫克，台式奶茶因為茶底較淡，大概只有130毫克。」
「個研究以『每公斤』計，正常人點會飲到咁多茶﹖最搞笑的是用紅牛來比。紅牛係含有咖啡因，不過紅牛提神的作用是來自『牛磺酸』，幾乎所有提神飲料都以佢為主要材料。牛磺酸有機會對心臟造成影響，外國亦曾有人過度飲用牛磺酸而出事的報導，佢先係高危成份，而唔係咖啡因。如果珍珠奶茶真係咁勁的話，大家飲完就唔會眼瞓啦！」
「所以食物安全中心都有人出來講過，珍珠奶茶的咖啡因不足為慮，反而高糖高脂肪先係健康大敵！」
Comments